भोजपूरी देवी पचरा गीत, सहल बाद दरबार
भोजपुरी देवी पचरा गीत _ सहल बा दरबार।
शरद नवराती शेरवा चढ़ी अइहा ये मइया।
सगरो सजल बा दरबार।
भक्त बलकवन शिरवा आशीष दिहा ये मइया।
सगरो सजल बा दरबार।
ब्रम्हानी रुद्रानी माई तू हउ काली कल्याणी।
नौ देवी रूपवा माई तु हऊ दुर्गा भवानी।
भक्तन के दुखवा हरे हरदम लिहलु अवतार।
सगरो सजल बा दरबार।
रनवा में मरलू दुर्ग जईसन दानव दुर्गा कहइलू।
चण्ड मुंड बध कईलू शुंभ निशुंभ स्वर्ग पठइलू।
रक्त बीज के रकतवा से भरल खपरवा तोहार।
सगरो सजल बा दरबार।
दुखवा में देखा माई पडल सगरो नगरिया।
हहरत आवा माई फेरा भक्तन पर नजरिया।
टह टह टहके फूल अडहुलवा शेरवा करेला हुंकार।
सगरो सजल बा दरबार।
गीत
श्याम कुंवर भारती
बोकारो, झारखंड मो.9955509286
Mohammed urooj khan
23-Oct-2023 02:17 PM
👌🏾👌🏾👌🏾👌🏾
Reply
Gunjan Kamal
23-Oct-2023 08:18 AM
👏👌🙏🏻
Reply